წითელ ზღვაში განლაგებულმა შეერთებული შტატების საზღვაო ძალების გამანადგურებელმა იემენიდან გაშვებული სამი რაკეტა ჩამოაგდო. ამის შესახებ დასავლური მედია ამერიკელ ოფიციალურ პირებზე დაყრდნობით იტყობინება.
AP-ის წყაროების თქმით, ზუსტი მონაცემები ჯერ არ არსებობს იმის შესახებ, თუ საით მიემართებოდა რაკეტები, მაგრამ დიდი ალბათობით, მათი სამიზნე ისრაელის ტერიტორია იყო.
ამავე მოსაზრებას იზიარებს ისრაელის თავდაცვის სამინისტროც.
ოფიციალურმა პირებმა ჟურნალისტებს განუცხადეს, რომ სამი რაკეტა წითელ ზღვაში გამანადგურებელმა ჩაჭრა. ერთ-ერთი მათგანის თქმით, შეერთებულ შტატები დარწმუნებულია, რომ რაკეტების სამიზნე ამერიკული ესკადრილია არ იყო.
