ისრაელის თავდაცვის ძალების განცხადებით, გასულ ღამეს ლიბანის საზღვართან, იერიშები მიიტანეს „ჰეზბოლას“ პოზიციებზე.
მათივე ინფორმაციით, დარტყმები ისრაელის წინააღმდეგ ცეცხლის გახსნის საპასუხოდ განხორციელდა.
„სამიზნეებს შორის იყო სამხედრო სადამკვირვებლო პუნქტი, საიდანაც ოთხშაბათს გაისროლეს მართვადი ტანკსაწინააღმდეგო რაკეტა ჩრდილოეთ ქალაქ როშ ჰანიკრასკენ“, - აღნიშნულია ინფორმაციაში.
ისრაელის თავდაცვის ძალების ცნობით, ლიბანიდან ისრაელის მიმართულებით სულ ცხრა რაკეტა გაუშვეს, რომელთაგან ოთხი რკინის გუმბათის საჰაერო თავდაცვის სისტემამ მოიგერია, სულ მცირე ერთი რაკეტა კი ჩამოვარდა ჩრდილოეთით მდებარე ერთ-ერთ ქალაქში.
