ღაზას სექტორში ცეცხლის შეწყვეტის მოთხოვნით აშშ-ში, კაპიტოლიუმთან საპროტესტო აქციაზე ათასობით ადამიანი შეიკრიბა, რომლებიც შემდეგ შენობაში შევიდნენ.
მედიის ცნობით, აქციის მონაწილეები ღაზის სექტორში ჰუმანიტარული კრიზისის გაუარესების გამო, ისრაელსა და „ჰამასს“ შორის ცეცხლის შეწყვეტას მოითხოვდენენ.
კაპიტოლიუმის შენობაში დემონსტრანტები სკანდირებდნენ და კონგრესს ცეცხლის შეწყვეტის მოთხოვნისკენ მოუწოდებდნენ.
როგორც BBC აღნიშნავს, შენობაში შევიდა მემარცხენე ორგანიზაციის 200-მდე წევრი, რომლებიც თავს სიონიზმის წინააღმდეგ მებრძოლებს უწოდებენ. ერთ-ერთი რესპუბლიკელი კონგრესმენი კი მათთან ისრაელის დროშით გავიდა.
გავრცელებული ცნობით, კაპიტოლიუმის შენობაში რამდენიმე დემონსტრანტი დააკავეს.
