2023 წლის ნობელის პრემიის ლაურეატმა ფიზიკის დარგში, უნგრელმა მეცნიერმა ფერენც კრაუსმა განაცხადა, რომ ნობელის კომიტეტისგან მიღებული თანხით უკრაინას დაეხმარება. ამის შესახებ უნგრული გამოცემა Portfolio იუწყება.
წელს ნობელის პრემია ფიზიკის დარგში 11 მლნ შვედურ კრონს (დაახლოებით 995 ათას დოლარს) შეადგენს, ვინაიდან ლაურეატი სამი მეცნიერი გახდა, ეს თანხა სამად გაიყო.
როგორც იუწყებიან, კრაუსი თავისი პრემიის ნაწილს საერთაშორისო ინიციატივა Science4People-ს გადასცემს, რომელიც უკრაინაში სკოლების აღდგენით არის დაკავებული.
იუნესკოს ცნობებით, უკრაინაში სრულმასშტაბიანი ომის დაწყებიდან 1 300-ზე მეტი სკოლა მთლიანად დაინგრა.
