რუსმა ოკუპანტებმა ხარკოვის ოლქში, კუპიანსკის რაიონის სოფელი გროზა დაბომბეს. უკრაინული მედიის ცნობით, დაღუპულია 50 ადამიანი.
ხარკოვის საოლქო სამხედრო ადმინისტრაციის ხელმძღვანელის ოლეგ სინეგუბოვის განცხადებით, რუსებმა დაბომბეს კაფე და მაღაზია, სადაც უამრავი ადამიანი იმყოფებოდა. ადგილზე მაშველები მუშაობენ. მისი თქმით, ნანგრევებიდან ამოიყვანეს 48 დაღუპულის ცხედარი, მათ შორის არის 6 წლის ბავშვი.
უკრაინის პროკურატურამ განაცხადა, რომ დაღუპულია 49 ადამიანი, ხოლო დაშავებულია შვიდი.
მოგვიანებით, უკრაინის შინაგან საქმეთა მინისტრმა განაცხადა, რომ სოფელში რუსეთის ძალების დაბომბვას 50 ადამიანი ემსხვერპლა.
წინასწარი მონაცემებით, ოკუპანტებმა იერიში ისკანდერის ტიპის რაკეტებით განახორციელეს.
