ვენეციაში ტურისტების ავტობუსი გზიდან გადავარდა და ცეცხლი გაუჩნდა. ავტობუსი სარკინიგზო ხაზებთან ახლოს ჩავარდა მესტრეს რაიონში, რომელიც ვენეციას ხიდით უკავშირდება.
იტალიური მედიის ინფორმაციით, დაიღუპა სულ მცირე 21 ადამიანი, ხოლო დაშავდა 15. დაღუპულთა შორის სამი ბავშვია. დაშავებულთაგან ხუთის მდგომარეობა მძიმეა.
მედიის ცნობით, დაღუპულთა შორის უკრაინის ხუთი მოქალაქეა, ერთი გერმანიის, ერთი ხორვატიის, ასევე დაღუპულია ავტობუსის მძღოლი, რომელიც იტალიელია.
შემთხვევის ადგილზე იმყოფებოდა ვენეციის მერი ლუიჯი ბრუნიარო, მან შემზარავ სურათს, რომელიც იხილა, „აპოკალიპტური სცენა“ უწოდა. დაღუპულთა ხსოვნის პატივისცემის ნიშნად ვენეციაში გლოვა გამოცხადდა.
