გერმანიის კანცლერმა ოლაფ შოლცმა კიევისთვის Taurus-ის ტიპის შორ მანძილზე მოქმედი რაკეტების მიწოდების გადაწყვეტილება შეაჩერა. Wall Street Journal-ის ცნობით, გერმანია უკრაინაში რაკეტების გაგზავნისგან თავს იკავებს, რადგან შიშობს რუსეთთან პირდაპირ კონფრონტაციას.
შეშფოთების მიზეზი კი ისაა, რომ გერმანიას დასჭირდება უკრაინაში სპეციალისტების გაგზავნა, რათა უკრაინელებს ადგილზე დაეხმარონ ამ საკმაოდ რთული სარაკეტო სისტემების გამოყენების შესწავლაში.
ბერლინის აზრით, შესაძლოა, სწორედ ამან უბიძგოს რუსეთს გერმანიასთან უშუალო კონფრონტაციისაკენ.
Taurus-ი ეს არის Storm Shadow-სა და Scalp-ის გერმანული ვერსია, რომელიც დიდმა ბრიტანეთმა და საფრანგეთმა უკრაინაში უკვე გაგზავნეს.
როგორც გამოცემა წერს, ეს რაკეტები უკრაინას დაეხმარება შემცირებული მარაგი შევსებაში, რომლებსაც უკრაინელები იყენებენ რკინიგზის, საბრძოლო მასალის საცავებსა და სამეთაურო ცენტრებზე მიზანმიმართული დარტყმებისთვის რუსეთის მიერ კონტროლირებად ტერიტორიაზე.
გერმანიის ხელისუფლებამ განაცხადა, რომ გერმანიის სამპარტიულმა კოალიციურმა მთავრობამ პრინციპში დაამტკიცა Taurus-ის მიწოდება, მაგრამ კანცლერმა ოლაფ შოლცმა ეს გადაწყვეტილება შეაჩერა.
