უკრაინის პრეზიდენტმა ვოლოდიმირ ზელენსკიმ, რომელიც ვიზიტით ნიდერლანდებში იმყოფება, განაცხადა, რომ უკრაინა F-16 ტიპის ავიაგამანადგურებლებს მიიღებს.
„F16. შეთანხმება მიღწეულია. დღეიდან მეტი კონკრეტიკა გვაქვს. უკრაინის ცაში თავითმფრინავები გამოჩნდებიან. მადლობა ნიდერლანდებს! მადლობა, მარკს!“, - წერს ზელენსკი სოციალურ ქსელში.
ვოლოდმირ ზელენსკის ინფორმაციით, უკრაინა F-16 ტიპის 42 ერთეულ ავიაგამანადგურებელს მიიღებს.
18 აგვისტოს ცნობილი გახდა, რომ აშშ-მა დანიასა და ნიდერლანდებს თანხმობა მისცა, უკრაინაში F-16 საბრძოლო თვითმფრინავები გაგზავნონ, როგორც კი პილოტები შესაბამის წვრთნებს დაასრულებენ.
ამასთან, უკრაინის თავდაცვის მინისტრმა, ოლექსი რეზნიკოვმა უკრაინულ მედიას განუცხადა, რომ უკრაინელმა მფრინავებმა F-16-ის ტიპის გამანადგურებლების მართვის სწავლა უკვე დაიწყეს.
