"მედიამფლობელების ოფშორულ ზონაში 10 % წლის მფლობელი აღარ დარჩება, მაგრამ საკითხი ძალიან მნიშვნელოვანი და კომპლექსურ მიდგომას მოითხოვს, რადგან ერთი გაფუჭებული ნაწილის შეკეთებით მთლიანად მანქანის მუშაობა არ გამოსწორდება. მედიამფლობელების გამჭვირვალეობის თემით უბრალოდ გაიხსნა დისკუსია და დეტალური განხილვა გაგრძელდება", - ამის შესახებ "ქრისტიან-დემოკრატების" ლიდერმა გიორგი თარგამაძემ მედიაგმჭვირვალეობის შესახებ კანონპროექტის განხილვის შეფასებისას განუცხადა.
მისი შეფასებით, გაგრძელდება განხილვა საინიციატივო ჯგუფის მიერ წარმოდგენილი კანონპროექტებისა, რომლებიც მედიის საკითხებს უკავშირდება, რაც კიდევ ერთხელ გამოავლენს, რამდენადაა ხელისუფლება მზად, ამ თემებზე სერიოზულად ისაუბროს.
შეგახსენებთ, რომ მედიაგამჭვირვალეობის შესახებ უმრავლესობის მიერ მომზადებული კანონპროექტის თანახმად, მაუწყებლის ლიცენზიის მფლობელებს ოფშორულ ზონებში დარეგისტრირება ეკრძალებათ და გამოსვლისთვის 6-თვიანი ვადა ეძლევათ.
ინიციატივის პირველად ვარიანტში, ოფშერში დარჩენა მხოლოდ იმ პირებს შეეძლოთ, რომლების კომპანიის წილის მხოლოდ 10 %-ს ფლობდნენ.
საპარლამენტო ოპოზიცია გამონაკლისის დაშვებას კანონში შავი ხვრელის დატოვებად აფასებდა, ხოლო უმრავლესობას მიჩნდა, რომ ეს ტელეკომპანიის მფლობელს აქციების ბირჟაზე გატანის საშუალებას უნარჩუნდებოდა.
აღნიშნულ კანონპროექტს პარლამენტი პირველი მოსმენით 7 დეკემბერს პლენარულ სხდომაზე განიხილავს.
