რუსეთის უშიშროების საბჭომ სამხედრო დოქტრინის ახალი პროექტი მოამზადა. განცხადება ნიკოლაი პატრუშენმა "რასიისკაია გაზეტასთვის" მიცემულ ინტერვიუში გააკეთა. მისი განმარტებით დოკუმენტი ისეთ სამხედრო საფრთხეების თავიდან აცილებას გულისხმობს, როგორებიცაა სათბობენერგეტიკული პრობლემები, შეიარაღებული კონფლიქტები, ნატოს გაფართოება, მასობრივი განადგურების, მათ შორის ბიურთვული იარაღის გავრცელება და საერთაშორისო ტერორიზმი.
დოკუმენტი პრევენციის სახით ბირთვული დარტყმის უფლებასაც იძლევა, რასაც აშშ-ს სამხედრო დოქტრინა გამორიცხავს. დოკუმენტი სამი თავისგან შედგება: პირველი თავი სამხედრო საფრთხეები და სამხედრო მუქარა, შიდა ასევე გარე შეიარაღებულ კონფლიქტებზე რეაგირებას გულისხმობს, რომელშიც შესაძლოა რუსეთიც იყოს ჩართული. მასში განსაკუთრებული აქცენტი საომარი მოქმედებებისას ახალი თაობის სხვადასხვა სახის იარაღის გამოყენებაზეა გაკეთებული.
მეორე თავი რუსეთის ფედერაციის სამხედრო პოლიტიკაზე, კონკრეტულად კი ქვეყნის გარეთ კონფლიქტების შეკავებას გულისხმობს.
