სეპარატისტული აფხაზეთის ე. წ. საგარეო საქმეთა მინისტრი სერგეი შამბა აცხადებს, რომ აფხაზეთში არსებულ წინასაარჩევნო სიტუაციაზე საუბრისას საქართველოს თემასაც ეხება. შამბა დარწმუნებულია, რომ აფხაზურმა საზოგადოებამ პოლიტიკური შეგნება, სიმწიფე და დემოკრატიულობა უკვე არაერთგზის დაადასტურა და ის, რაც დღეს აფხაზეთში ხდება ხელისუფლებისა და ოპოზიციის წინასაარჩევნო ბრძოლის სახით, სრულიად ნორმალურია.
რაც შეეხება ქართულ საზოგადოებას, აფხაზეთის ე. წ. საგარეო საქმეთა მინისტრი აცხადებს, რომ იმ პროცესების მიხედვით, რომლებსაც თვალს სეპარატისტული აფხაზეთიდან ადევნებენ, ქართული საზოგადოება "სრულად ჯანმრთელი ჯერ არ არის".
შამბას ეჭვი ეპარება იმაში, რომ საქართველოში არჩევნების შედეგად ისეთი ხელისულება მოვა ქვეყნის სათავეში, რომელიც "საქართველოს აფხაზეთისთვის მიუღებელ პრეტენზიებზე უარს იტყვის".
"ეს ნაკლებსავარაუდოა. ის პროცესები რომლებსაც ჩვენ საქართველოში ვადევნებთ თვალს, მეტყველებს იმაზე, რომ ეს საზოგადოება ჯერ მთლად ჯანმრთელად ვერ არის",_ აცხადებს შამბა.
