ახალი წლის ღამეს, 31 დეკემბერს, ბათუმის მუნიციპალური ტრანსპორტის მოძრაობა გახანგრძლივდება და ავტობუსები მგზავრებს უფასოდ მოემსახურება.
22:00 საათიდან 03:00 საათამდე ავტობუსის შემდეგი ნომრები: #4, #6, #15 30 წუთიანი ინტერვალით იმოძრავებს.
#4 ავტობუსი აღმაშენებლის, კობალაძის, ინასარიძის, ფიროსმანის, გორგილაძის, ბარათაშვილის, მაიაკოვსკისა და სვიშევსკის ქუჩებზე მოძრაობს.
#6 ავტობუსის მოძრაობის მარშრუტია ასათიანის, ლერმონტოვის, ჯავახიშვილის, გორგილაძის ქუჩები და თბილისის მოედანი.
#15 ავტობუსი ზედაღელიდან მამია ვარშანიძის, გენერალ ასლან აბაშიძის, ორბელიანის, სელიმ ხიმშიაშვილის, ბაგრატიონის, მელიქიშვილის, რუსთაველის, გოგებაშვილისა და მაიაკოვსკის ქუჩების გავლით ბარცხანის დასახლებამდე მოძრაობს.