ზურაბიშვილს ადანაშაულებდნენ ღალატში და ბურჭულაძე პუტინის წინაშე გამოვიდა, - განაცხადა საქართველოს პრემიერ-მინისტრმნა მამუკა ბახტაძემ ტელეკომპანია „იმედის“ ეთერში.
“ოპოზიცია მმართველი გუნდის მიერ მხარდაჭერილ კანდიდატს ადანაშაულებდა ღალატში, რუსეთის ფედერაციასთან გარკვეულ გარიგებაში, ამ დროს კი დავინახეთ, რომ მათი პოლიტიკური სახე და ერთ-ერთი წამყვანი ე.წ პოლიტიკოსი, პაატა ბურჭულაძე, მოსკოვში ჩადის და ოკუპანტი ქვეყნის პოლიტიკური ლიდერების წინაშე სცენაზე გამოდის”, - თქვა ბახტაძემ.
შეგახსენებთ, რომ პაატა ბურჭულაძემ სანქტ-პეტერბურგში იმ კონცერტზე იმღერა, რომელსაც რუსეთის პრეზიდენტი ვლადიმერ პუტინი ესწრებოდა. კონცერტის შემდეგ, პაატა ბურჭულაძის საქციელი დაგმო ოპოზიციამ. მოგვიანებით, პაატა ბურჭულაძემ განცხადება გააკეთა და აღნიშნა, რომ ვისაც არ მოსწონს მისი ცხოვრების წესი, თავად შექმნან უკეთესი.
