დღეს, 2 აგვისტოს, 20:00 საათზე, მთაწმინდის პარკის ამფითეატრში, კომპანია"სინგულარჯგუფის" ახალი ქართული ინოვაციური მობილური სერვისის -notify.ge - პრეზენტაცია გაიმართება .
სერვისი ითვალისწინებს მობილური ტელეფონიდან მოკლეტექსტური შეტყობინების (SMS)საშუალებითსოციალურ ქსელ facebook.com-zე სტატუსების ქართულ ენაზე განახლებას. მისი გამოყენება მომხმარებლისთვის უფასო იქნება.
პროექტი მობილურ ოპერატორის Beeline-ის აქტიური მხარდაჭერით ხორციელდება.
პრეზენტაციაზე საუბარი იქნება კომპანიის სამომავლო გეგმებსა და ახალი სერვისის მნიშვნელობაზე ქართულ სოციალურ მედიაში.
ღონისძიების ბოლოს გაიმართება ასევე სინგულარჯგუფის მიერ შექმნილი პროდუქტის - tewwt.ge -ს წამახალისებელი კონკურსის (contest..singular.ge) გამარჯვებულის დაჯილდოვების ცერემონიალი. კონკურსში მონაწილეობას იღებდნენ ქართველი ბლოგერები და მათ შორის გამარჯვებულს პრიზად ლეპტოპი გადაეცემა.
ასევე მოხდება tewwt.ge -ს პლატფორმაზე დამატებული სიახლეებისა და ახალი ფუნქციებისმომხმარებლისთვის გაცნობა.
