თურქეთის პრემიერ-მინისტრის რეჯეპ ტაიპ ერდოღანის მეუღლემ, ემინე ერდოღანმა, ისრაელი და მისი პრეზიდენტი შიმონ პერესი მკაცრად გააკრიტიკა. ამის შესახებ ინფორმაციას "რეგნუმი" ავრცელებს.
ანკარაში პალესტინელი ქალების წინაშე გამოსვლის დროს ემინე ერდოღანმა აღნიშნა, რომ თურქეთი პალესტინელ ხალხის გვერდით ყოველთვის იდგება.
როგორც თურქული გაზეთი " Beyazgazete " იუწყება, ერდოღანის ცოლმა აღნიშნა, რომ "თურქეთისთვის სულ ერთი არ არის პალესტინის პრობლემები და ისრაელის დანაშაული". მან პერესს "მატყუარა" უწოდა და დადანაშაულა, რომ მან ტირილამდე მიიყვანა.
"დავოსში პრესკონფერენციაზე გამოსვლის დროს, როდესაც ვუსმენდი პერესის გამოსვლას, მისმა ტყუილებმა ისე აღმაშფოთა, რომ ტირილი დავიწყე. როდესაც მკითხეს, რატომ ვტიროდი, ვუპასუხე, რომ არ შემიძლია ამდენი ტყუილის მოსმენა ისრაელისგან, მით უმეტეს მისი პრეზიდენტისგან", - განაცხადა ერდოღანმა.
