მოძრაობა "სამართლიანი საქართველოსთვის" ცესკოს მიერ საარჩევნო რეგისტრაციას გაუქმებას "ეროვნულ საბჭოში" ვადის გასვლით ხსნის.
როგორც "ჯი-ეიჩ-ენს" პარტიის ერთ-ერთმა წევრმა პეტრე მამრაძემ განუცხადა, "ეროვნული საბჭო" "სამართლიანი საქართველოსთვის" გაწევრიანებამდეც არსებობდა და ამ გაერთიანებაში მხოლოდ დროებით, 30 მაისის თვითმართველობის არჩევნებისთვის გაწევრიანდა.
"როგორც ჩემთვისაა ცნობილი, ჩვენი "ეროვნული საბჭოში" ყოფნის ვადა გავიდა, ამიტომ, კანონის შესაბამისად, მოხდა რეგისტრაციის გაუქმებაც", - აღნიშნა მამრაძემ.
მისი თქმით, მომავალი არჩევნებისთვის რა სახით დარეგისტრირდება პარტია, ჯერჯერობით უცნობია.
შეგახსენებთ, რომ ცენტრალურმა საარჩევნო კომისიამ 30 მაისის არჩევნებისთვის მოძრაობას "სამართლიანი საქართველოსთვის"'საარჩევნო რეგისტრაცია გაუუქმა. ამის შესახებ ცესკოში გადაწყვეტილება დღეს გამართულ სხდომაზე მიიღეს.
როგორც "ჯი-ეიჩ-ენს" ცესკოში განუმარტეს, საარჩევნო ბლოკ "ეროვნული საბჭოდან" ნოღაიდელის პარტიის გარიცხვის შესახებ განცხადებით ბლოკში შემავალმა "ხალხის პარტიამ' და "კონსერვატორულმა პარტიამ" მიმართა.
"იმ შემთხვევაში, თუ თვითმმართველობის არჩევნებთან დაკავშირებით შუალედური არჩევნები დაინიშნება, "ეროვნული საბჭოს" სახელით მხოლოდ მასში დარჩენილი ორი პარტია მიიღებს მონაწილეობას", - განაცხადა ცესკოს პრესსამსახურის უფროსმა ჯული გიორგაძემ.
