ქუთაისის მერად გიორგი თევდორაძე აირჩიეს. ადგილობრივმა საკრებულომ თევდორაძე 21 ხმით 4-ის წინააღმდეგ აირჩია.
ქუთაისში ადგილობრივი თვითმმართველობის არჩევნების დროს "ნაციონალური მოძრაობის" სიის პირველი ნომერი თევდორაძე მერობის ერთადერთი კანდიდატი იყო.
35 წლის გიორგი თევდორაძე 2004-2007 წლებში იმერეთის გუბერნატორის მოადგილის თანამდებობაზე მუშაობდა. მოგვიანებით კერძო ბიზნესით იყო დაკავებული.
თევდორაძე "ვარდების რევოლუციის" შემდეგ ქუთაისის მეცხრე მერია.
