სეპარატისტული სამხრეთ ოსეთის ე. წ. მთავრობის თავმჯდომარე ვადიმ ბროვცევი, რომელის ამჟამად სანკტ-პეტერბურგის ეკონომიკურ ფორუმში მონაწილეობს, რუსულ რადიოსადგურ "ეხო მოსკვისთვის" მიცემულ ინტერვიუში აცხადებს, რომ მიუხედავად ე. წ. სამხრეთ ოსეთში მიმდინარე აღდგენითი სამუშაოებისა, ასობით ადამიანი ჯერაც სახლკარის გარეშეა.
"ჩვენ საკმაო რაოდენობის დევნილები გვყავს, არიან დევნილები საქართველოდანაც. ეს ადამიანები ცხოვრობენ საერთო საცხოვრებლებსა და სხვა ადგილებში. სულ 179 ოჯახი ელის საცხოვრებელ სახლს. ეს საკითხები ჯერაც გადასაწყვეტია. ამიტომაც ვცდილობთ, რუსეთის, ჩვენი სტრატეგიული პარტნიორის მიერ ჩვენთვის გამოყოფილი დახმარება გააზრებულად დავხარჯოთ", _ აცხადებს ვადიმ ბროვცევი.
შეგახსენებთ, რომ ბროვცევი ე. წ. სამხრეთ ოსეთის რუსეთის მიერ დანიშნული ე. წ. პრემიერია, ვლადიმერ პუტინის პროტეჟეა და ოს სეპარატისტთა ლიდერ ედუარდ კოკოითისთან არცთუ ისე კარგი ურთიერთობა აქვს. მეტიც, ბროვცევთან დაპირისპირების შეწყვეტა რამდენიმე ხნის წინ კოკოითის პირადად პუტინმა მოსთხოვა.
