"არიან ადამიანები ვინც გამარჯვების რწმენას პირველ დაბრკოლებისთანავე კარგავენ", - ასე შეაფასა "ალიანსი საქართველოსთვის" ლიდერმა ირაკლი ალასანიამ ბლოკის რიგებიდან მისი თანათავმჯდომარის, სოზარ სუბარის წასვლა.
"არიან ადამიანები, ვინც გამარჯვების რწმენას პირველ დაბრკოლებისთანავე კარგავენ. ნამდვილ მეომრებს კი ყველა წინაღობა უფრო აძლიერებს", - აცხადებს სუბარი.
მისი თქით, იგი არასდროს ყოფილი გარანტირებული გამარჯვების გეგმის ნაწილი და წარმატებას ყოველთვის საკუთარი თავის იმედითა და თანამენრძოლების დახმარებით აღწევდა.
"მე პირადად არასდროს არ ვყოფილვარ გარანტირებული გამარჯვების გეგმის ნაწილი. ყველაზე რთულ ვითარებაშიც კი, გამარჯვება საკუთარი ხელით და თანამებრძოლების დახმარებით მომიპოვებია და ასე ვაპირებ გავაგრძელო. სოზარმა თავისი გზა აირჩია", - განაცხადა ალასანიამ.
შეგახსენებთ, რომ "ალიანსი საქართველოსთვის" უკვე ყოფილმა თანათავმჯომარე სოზარ სუბარმა ბლოკის რიგები დატოვა.
მისი თქმით, მან "ალიანსი" პრაქტიკულად მაშინ დატოვა, როცა საკრებულოს თავმჯდმარის პოსტზე საკუთარი კანდიდატურა არ დააყენა.
"ალიანსი პრაქტიკულად დავტოვე მაშინ, როცა უარი ვთქვი კენჭისყრაზე, არჩევნებში მონაწილეობაზე, თუმცა ეს "ალიანსში" არ გამიმჟღავნებია, რადგან არ მინდოდა ზიანი მიმეყენებინა საარჩევნო პროცესებისათვის და ზოგადად ოპოზიციისათვის", - აღნიშნა სუბარმა.
სოზარ სუბარმა "ალიანსის" დატოვების მიზეზებიც ახსნა და განაცხადა, რომ ბლოკიდან წასვლის სურვილი მას შემდეგ გაუჩნდა, რაც დაინახა, რომ "ალიანსი" გამარჯვებისთვის არ იბრძოდა.
