ექსპერტები უახლოეს ხანებში მსოფლიო ბაზარზე ხორცისა და ხორცის პროდუქტის ფასის ზრდას პროგნოზირებენ. ექსპერტთა განცხადებით, ამის მთავრ მიზეზს ხორცის უმსხვილესი მწარმოებელი ქვეყნიდან _ არგენტინიდან ბაზარზე ხორცის მიწოდების მკვეთრი შემცირება წარმოადგენს.
უმსხვილესი კომპანიების წარმომადგენელთა თქმით, უკანასკნელი ორი კვირის განმავლობაში არგენტინიდან მხოლოდ ორი კონტეინერი გამოგზავნეს. გემებსა და თვითმფრინავებზე დატვირთული პროდუქტი კი უკან დააბრუნეს. ექსპერტთა აზრით, არგენტინის მთავრობის გადაწყვეტილება მსოფლიო ეკონომიკაზე აისახება, რადგან ბევრი ქვეყნა არგენტინიდან ხორცის მიწოდებაზეა დამოკიდებული.
უკანასკნელ პერიოდში არგენტინაში ხორცის პროდუქტების დეფიციტი შეიქმნა. ქვეყანაში ამ პროდუქცუიაზე ფასი მკვეთრად გაიზარდა.
საფრანგეთის კვლევითი ცენტრის მონაცემებით, 2015 წელს ხორცის მსოფლიო მოხმარება, შესძლოა, 22 პროცენტით გაიზრადოს. მოხმარების ზრდის ორ მესამედს ჩინეთი უზრუნველყოფს. ექსპერტები აღნიშნავენ, რომ 2018 წლისთვის ხორცის მსოფლიო მოხმარება 320 მლნ ტონას მიაღწევს.
