აფხაზეთის ლეგიტიმური მთავრობის კულტურის სამინისტრო მზადაა, საჭიროების შემთხვევაში მსახიობ მიხეილ ქვაჭრელიშვილის დაღუპვის მიზეზების გამოძიების პროცესში შესაბამის უწყებასთან ერთად ჩაერთოს.
"თუკი სამინისტროს გამოძიების პროცესში შესაბამისი უწყებისთვის რაიმე სახის დახმარების აღმოჩენა შეუძლია, ამისთვის მზად ვართ. ქვაჭრელიშვილი უპატიოსნელი ადამიანი და უნიჭიერესი მსახიობი იყო. ეჭვის დონეზედაც კი არ არსებობდა ინფორმაცია, რომ ის რაიმე საეჭვო საქმეში ყოფილიყო გახვეული. აქედან გამომდინარე, მზად ვართ, ყველა ის ინფორმაცია, რაც მასთან და სხვა მსახიობებთან დაკავშირებით სამინისტროს აქვს, გამოძიებას გავაცნოთ", - განუცხადა ხომერიკმა "ჯი-ეიჩ-ენს".
ხომერიკის განმარტებით, მისი უწყება გამოძიების დასრულებას ელოდება, თუმცა მსახიობის თვითმკვლელობის ვერსიას გამორიცხავს.
შეგახსენებთ, რომ 4 აპრილს გაუჩინარებული, სოხუმის თეატრის მსახიობი მიხეილ ქვაჭრელიშვილი დღეს მარჯანიშვილის 16 ნომერში მდებარე საცხოვრებელი კორპუსის ლიფტის შახტაში გარდაცვლილი იპოვეს. ოჯახის წევრები მკვლელობის ვერსიაზე საუბრობენ.
