საპარლამენტო დელეგაცია დავით ბაქრაძის ხელმძღვანელობით ავღანეთიდან დაბრუნდა. ერთდღიანი ვიზიტის ფარგლებში დეპუტატებმა ქაბულში დისლოცირებული ქართული ასეული მოინახულა.
ქაბულში ჩასულმა დეპუტატებმა მთელი დღე ჯარისკაცებთან გაატარეს. ვიზიტის ფარგლებში დავით ბაქრაძე კოალიციის სარდლობასა და თავის ავღანელ კოლეგას შეხვდა.
"როდესაც ჩვენ ამ ბაზაზე შემოვდიოდით შემოსასვლელში იყვნენ ქართველი ჯარისკაცები, რომლებიც მსახურობენ და როდესაც დავინახე ქართველი ჯარისკაცები და მათ მხარზე ქართული დროშა პირველი შეგრძნება იყო ძალიან დიდი სიამაყე, იმიტომ რომ ეს არიან ღირსეული, ღირსეულად ჩაცმული და მომზადებული და გაწვრთნილი ვაჟკაცი ჯარისკაცები, რომლებიც აკეთებენ აქ საქართველოს საქმეს", _ განაცხადა დავით ბაქრაძემ.
