სმოლოენსკში ტრაგიკულად დაღუპულად პოლონეთის პრეზიდენტის ლეხ კაჩინსკის დაკრძალვაზე საქართველოს დელეგაციას საქართველოს პრეზიდენტი მიხეილ სააკაშვილი უხელმძღვანელებს.
ამის შესახებ საგარეო საქმეთა მინისტრის მოადგილემ ნინო კალანდაძემ დრეს გამართულ ტრადიციულ პრესკონფერენციაზე განაცხადა.
"პოლონელ ხალხს მომხდარი ტრაგედიის გამო სამძიმარს კიდევ ერთხელ ვუცხადებთ. საქართველოს დელეგაცია ვარშავაში გაემგზავრება, რომელსაც პრეზიდენტი მიხეილ სააკაშვილი უხელმძღვანელებს. თუმცა, დელეგაციის შემადგენლობა ჯერჯერობით უცნობის",- განაცხადა ნინო კალანდაძემ.
მისვე თქმით, დელეგაციის შემადგელობა პოლონეთის პრეზიდენტის დაკრძალვის თარიღის დანიშვნის შემდეგ გახდება ცნობილი.
შეგახსენებთ, რომ პოლონეთის პრეზიდენტის თვითმფრინავმა, რომელშიც, ბოლო მონაცემებით, 98 ადამიანი იმყოფებოდა, კატასტროფა 10 აპრილს, სმოლენსკთან განიცადა. ყველა მგზავრი დაიღუპა. ლეხ კაჩინსკი სმოლენსკში კატინის მოვლენების 70 წლისთვისადმი მიძღვნილ ღონისძიებებზე დასასწრებად მიდიოდა.
ქვეყნის პრეზიდენტის დაღუპვის გამო პოლონეთში ერთკვირიანი გლოვაა გამოცხადებული, ასევე გლოვის დღეები გამოცხადა ევროპის თითქმის ყველა ქვეყანაში.
