პარლამენტის ევროპასთან ინტეგრაციის კომიტეტის თავმჯდომარის დავით დარჩიაშვილის განცხადებით, პოლონეთის პრეზიდენტის ლეხ კაჩინსკის ტრაგიკული დაღუპვა ძალიან ბევრ კითხვას ბადებს.
"მსგავსი რამ არ არის ჩვეულებრივი მოვლენა და ძალიან ბევრი კითხვები ჩნდება, რადგან ამ რანგის ადამიანების დაცვა თვისობრივად განსხვდება და ხარისხიანია. მსგავსი ინციდენტები გამორიცხულია, თუმცა ამ შემთხვევაში ეს მაინც მოხდა", - განაცხადა დარჩიაშვილმა.
ამასთან, ქართველმა დეპუტატმა იმედი გამოთქვა, რომ ყველა კითხვას პასუხი გაეცემა.
შეგახსენებთ, რომ პოლონეთის პრეზიდენტის თვითმფრინავმა, რომელშიც, ბოლო მონაცემებით, 98 ადამიანი იმყოფებოდა, კატასტროფა 10 აპრილს, სმოლენსკთან განიცადა. ყველა მგზავრი დაიღუპა. ლეხ კაჩინსკი სმოლენსკში კატინის მოვლენების 70 წლისთვისადმი მიძღვნილ ღონისძიებებზე დასასწრებად მიდიოდა.
