გმირთა მოედანზე მშენებარე ვაკე-საბურთალოს დამაკავშირებელი ხიდზე მიმდინარე სამუშაოები დღეს საქართველოს პრეზიდენტმა მიხეილ სააკაშვილმა დაათვალიერა.
პრეზიდენტთან ერთად ესტაკადის სამშენებლო სამუშაოების მოსანახულებლად თბილისის მერი გიგი უგულავაც იმყოფებოდა.
"თითოეული მეტრი დაგებული ასფალტი, ახალი მშენებლობა და ყველა სახის სიახლე საბოლოო ჯამში ქალაქის საინვესტიციო გარემოს გაუმჯობესებას ემსახურება. თბილისი ინვესტორებისთვის ამ სიახლეებით უფრო მიმზიდველი ხდება", - აღნიშნა უგულავა.
მისივე შეფასებით, მეტი ინვესტიცია კი მეტ სამუშაო ადგილს ნიშნავს, რომელიც ქვეყნისთვის დღემდე პრობლემას წარმოადგენს.
პრეზიდენტი გმირთა მოედნიდან აღმაშენებლის გამზირზე გაემგზავრა, სადაც შენობების სარეაბილიტაციო სამუშაოებს მოინახულებს.
