საქართველოს პრეზიდენტმა წყალსადენის სისტემის რეაბილიტაცია აჭარაშიც დაათვალიერა. ქვეყნის პირველი პირი ქუთაისიდან ქობულეთში ჩავიდა.
ქობულეთში სარეაბილიტაციო სამუშაო მარტში დაიწყო და შემოდგომაზე დასრულდება. გამოიცვლება მილები, დამონტაჟდება წყლის ორი ახალი რეზერვუარი, წნევის გამაძლიერებელი სატუმბი და საკანალიზაციო გამწმენდი ნაგებობდა.
მშენებლობისთვის 31 მლნ ლარია გამოყოფილი. რეაბილიტაციის პროექტს ევროპის რეკონსტრუქციის განვითარების ბანკი და საქართველოს მუნიციპალური განვითარების ფონდი აფინანსებს.
წყალსადენის სისტემის სარეაბილიტაციო სამუშაოს შემდეგ მიხეილ სააკაშვილი ადგილობრივებს შეხვდა და ტურისტული ინფრასტრუქტურის განვითარებაზე ისაუბრა. ქვეყნის პირველი პირის განმარტებით, მალე აჭარაში შემოვლითი გზების მშენებლობა დაიწყება, ნაპირსამაგრი სამუშაო კი დასრულდება, რაც მას მიმზიდველ ტურისტულ რეგიონად აქცევს.
