დღეს, 13 მარტს, 12:00 საათზე, ჭიათურის კულტურის სასახლის წინ ჭიათურელი და საჩხერელი მძღოლების საპროტესტო აქცია გაიმართება. თბილისის მარშრუტებზე მომუშავე მძღოლები ხელისუფელბისგან ითხოვენ, ტრანსპორტის რეგულირების შესახებ რეგლამენტის დაუყოვნებლივ მიღებას. ამის შესახებ "ჯი-ეიჩ-ენს" საქართველოს საავტომობილო ტრანსპორტის და გზების მუშაკთა პროფკავშირის პრესსამსახურიდან აცნობეს.
მათი განცხადებით, კანონით დეტალურად უნდა გაიწეროს მძღოლების უფლებები, მარშრუტების რეგულარობა და რეისები. დღეის მდგომარეობით, მძღოლების ნაწილი ეგრეთწოდებულ მტაცებლურ რეისებს ახორციელებს - არ ჩერდება ავტოსადგურზე, არ იხდის გადასახადებს, არ აქვს მოწესრიგებული ავტოტრანსპორტი. მტაცებლური რეისით აზარალებს სხვა მძღოლებს და საფთხეს უქმნის მგზავრების უსაფთხოებას, რადგან ტრანსპორტს არ აქვს გავლილი შემოწმება.
იმ შემთხვევაში, თუ ხელისუფლება ავტოსდგურის ფუნქციონირების წესსა და ტექნიკურ რეგლამენტს დაუყოვნებლივ არ დაამტკიცებს, პროფკავშირები ყველა საქალაქთაშოროსო რეისის მძღოლების გაფიცვას გაუკეთებს ორგანიზებას.
