ასე დაპირისპირებული ქართველები, ბოლო პერიოდში მე არ მახსოვს. ამ ყველაფრისგან სარგებელი მხოლოდ ერთ ქვეყანას აქვს, რომელიც თქვენი ჩრდილო მეზობელია და რომელიც აფხაზეთისა და სამხრეთ ოსეთის ოკუპირებას ახდენს, - აცხადებს „ამერიკის ხმისთვის“ მიცემულ ინტერვიუში ჯეიმსთაუნის ფონდის პრეზიდენტი, გლენ ჰოვარდი.
მისი თქმით, პუტინის კომენტარი საქართველოს ოკუპანტობაზე აბსურდია და ის ამ განცხადებებით, ცდილობს დააშინოს საქართველო.
„ქართველებს კარგად შემუშავებული პროპაგანდის პოლიტიკა სჭირდებათ, რათა მაქსიმალურად შეამცირონ რუსული გავლენა ქართულ საზოგადოებაზე. თუმცა, საქართველოს მთავრობის ზოგიერთი ტაქტიკა შემაშფოთებლია ჩემთვის, რადგან არ შეიძლება, რომ მისცენ რუსებს უფლება ისევ დაბრუნდნენ საქართველოში, იმიტომ, რომ რუსული ზეგავლენა ისევ გაიზრდება. ის საკმაოდ დაბალი იყო 2011-2012 წლებში, მაგრამ ვხედავთ, რომ ეს ზეგავლენა ნელ-ნელა იზრდება. ასევე ვხედავთ ქართულ საზოგადოებას, რომელიც ასეთი დაყოფილია. ასე დაპირისპირებული ქართველები, ბოლო პერიოდში მე არ მახსოვს. ამ ყველაფრისგან სარგებელი მხოლოდ ერთ ქვეყანას აქვს, რომელიც თქვენი ჩრდილო მეზობელია და რომელიც აფხაზეთისა და სამხრეთ ოსეთის ოკუპირებას ახდენს“, - განაცხადა გლენ ჰოვარდმა.
