გაზეთი „ალია" პარტია „ქართული ოცნების" შიგნით საგანელიძესა და დეპუტატს შორის არსებულ დაპირისპირებაზე კიდევ ერთ ვრცელ სტატიას აქვეყნებს სათაურთ „რა წერილი გაუგზავნა ქართული ოცნების 14 დეპუტატმა ბიძინა ივანიშვილს?" სტატიის ავტორის ინფორმაციით წერილში დეპუტატები საგანელიძეს ნაციონალებთან გარიგებაში ამხელდნენ, თუმცა ივანიშვილმა დეპუტატების მხარე არ დაიჭირა.
„16 ნოემბერს "ქართული ოცნების" ცენტრალურ ოფისში, როცა ბიძინა ივანიშვილის თანდასწრებით საგანელიძემ დიდი გარჩევა მოაწყო. მან, ფაქტობრივად, ღალატში დაადანაშაულა ის 14 დეპუტატი ( მათ შორის დავით ლორთქიფანიძე), რომლებმაც საპრეზიდენტო არჩევნების წინ ბიძინა ივანიშვილს წერილი გაუგზავნეს. როგორც ჩანს, საგანელიძემ მოახერხა ივანიშვილის დარწმუნება, რომ ისინი სიტუაციის აყირავებას აპირებენ და ამიტომაც „აიკრეს" საყვედურები.
რა ეწერა იმ წერილში ისეთი, რამაც „ახალი მემარჯვენეების" ერთ-ერთი ყოფილი ლიდერი ასე გააცოფა და ამ ეტაპზე იმასაც კი არხერხებს, რომ დეპუტატების გარიცხვაზე იფიქროს? რა ეწერა და სრული სიმართლე საგანელიძეს მოღვაწეობის შესახებ და იმაზეც, როგორ ურიგდებოდა რეგიონებში ის „ნაციონალებს" . სამწუხაროდ, ბიძინა ივანიშვილი არ დადგა „ქართული ოცნების" დეპუტატების მხარეს და მან საგანელიძე დაგეშილი ძაღლივით მიუშვა ამ ადამიანებზე." _ წერს "ალია".
