საქართველოს პრემიერ-მინისრმა განაცხადა, რომ ის გიორგი მარგველაშვილის მიერ თავისი უფლება-მოვალეობების შესრულების შემდეგ გადადგება. კრიტიკოსები მიიჩნევენ, რომ ასე მას უფრო გაუადვილდება ახალი პრეზიდენტის „ძაფებზე თამაში" - წერენ გაზეთ „Le Figaro"-ს კორესპოდენტები არიელ თედრელი და რეჟი ჟანტე სტატიაში სახელწოდებით „ივანიშვილი - ადამიანი, რომელიც სინამდვილეში საქართველოს მმართველი იქნება".
„ივანიშვილი - ადამიანი გამოცანაა. ამბობენ, რომ ის ქვეყანას ისე მართავს, როგორც ჰოლდინგს და ყველაფერი იმიტომ, რომ პოლიტიკოსობამდე ის ოლიგარქი იყო. 1990 წლებში მან გაურკვეველ ვითარებაში რუსეთში დიდი ქონება დააგროვა და საქართველოს ყველაზე მდიდარი ადამიანი გახდა. მიიჩნევა, რომ ივანიშვილი ექსცენტრიკოსია. მის რეზიდენციაში ბათუმში ზებრები და ფლამენგოები დასეირნობენ, ხოლო თბილისის სასახლეში მოწყობილია უზარმაზარი აკვარიუმი სადაც ზვიგენები და ტროპიკული თევზები დაცურავენ",_ ნათქვამია სტატიაში.
ამას გარდა, სტატიის ავტორები ასევე აღნიშმავენ, რომ „ვარდების რევოლუციის შემდეგ ივანიშვილი გულუხვად ახორციელებდა სააკაშვილის სპონსორობას, თუმცა მერე მათ შორის კონფლიქტი მოხდა.
„ამას გარდა, მიშა ყოველთვის აბრაზებდა კრემლის პატრონს, ივანიშვილმა კი იცოდა, რუსეთის ლიდერის ეჭვიანობისა და შურძიების გრძნობის შესახებ.
2011 წელს საქართველოს მომავალმა პრემიერმა გაყიდა ყველა თავისი რუსული აქტივი - კარგ ფასად და რეკორდულ დროში, რაც რუსეთისათვის ძალიან იშვიათობაა და პოლიტიკით დაკავდა. საქართველოს სააკაშვილისგან განთავისუფლებით, - ავტოკრატისგან, რომელიც მალე დიქტატორი გახდებოდა, არღვევდა ადამიანის უფლებებს, ითვიდებდა ყველაფერს რაც უნდოდა და იჭერდა მას ვინც უნდოდა - ივანიშვილი თავის ამოცანას შესრულებულად მიიჩნევს.
ისევე როგორც მის პოლიტიკურ მოწინააღმდეგეს, ივანიშვილსაც სურს საქართველოს წევრობა ნატოსა და ევროკავშირში, თუმცა მას კრემლისათვის ანგარიშის გაწევა უწევს, ამიტომაც ის ლავირებს და დროს წელავს და არც იმას გამორიცხავს, რომ საქართველო ევრაზიულ კავშირში გაწევრიანდეს", _ ნათქვამია სტატიაში.
