აზერბაიჯანიდან საქართველოში განხორციელდა 10 ქურციკის (ჯეირანი) რეინტროდუქცია. ღონისძიებაში მონაწილეობდნენ საქართველოს გარემოსა და ბუნებრივი რესურსების დაცვის მინისტრის მოადგილე შალვა ამირეჯიბი და სსიპ დაცული ტერიტორიების სააგენტოს თავმჯდომარე რატი ჯაფარიძე.
პროექტს "ქურციკების რეინტროდუქცია მათი ისტორიული ბინადრობის ადგილებში კავკასიის რეგიონში" ახორციელებს აზერბაიჯანის ეკოლოგიისა და ბუნებრივი რესურსების სამინისტრო ორგანიზაცია IDEA-სა და ,,ბუნების დაცვის მსოფლიო ფონდის" (WWF) აზერბაიჯანის წარმომადგენლობის მხარდაჭერით. როგორც აზერბაიჯანის ეკოლოგიისა და ბუნებრივი რესურსების მინისტრის მოვალეობის შემსრულებელმა ჰუსეინ ბაგიროვმა ჟურნალისტებს განუცხადა, რომ ქურციკი კარგად ადაპტირდება ისტორიულ ტერიტორიაზე.
IDEA (International Dialogue for Environmental Action) არის საერთაშორისო კამპანია, რომელიც 2011 წელს დააფუძნა ლეილა ალიევამ. პროექტის მიზანია ქურციკების გავრცელება იმ ტერიტორიებზე, სადაც ისინი დიდი ხნის წინ ბინადრობდნენ, მაგრამ სხვადასხვა გარემოების გამო მათ პოპულაცია შემცირდა ან საერთოდ გაქრა.
მასალის გამოყენების პირობები
