ლიტვაში რუსეთის „პირველი არხის" ტრანსლირება დროებით შეწყდა. ლიტველი პოლიტიკოსების აღშფოთება გამოიწვია რუსეთის „პირველ არხზე" გასულმა გადაცემამ „ჩელოვეკ ი ზაკონ",რომელიც 1991 წლის 13 იანვრის ვილნიუსის მოვლენებს მიეძღვნა.
ტრანსლირება მანამდე იქნება შეწყვეტილი ვიდრე სკანდალური გადაცემის ირგვლივ გამოძიება არ დასრულდება. გამოძიება კი ლიტვის რადიოსა და ტელევიზიის კომისიამ დაიწყო.
ლიტველი დეპუტატები აცხადებენ, რომ გადაცემაში გამოთქმული მოსაზრებები შეურაცხმყოფელია ლიტველი ხალხისათვის.
„ლიტვური საზოგადოება, ანალიტიკოსები და პოლიტიკოსები ბალტიისპირეთის ქვეყნებში ბოლო დროს ბევრს საუბრობენ რუსეთის მიერ ჩვენს წინააღმდეგ წარმოებულ საინფორმაციო ომზე. მიმაჩნია რომ ეს გადაცემა იყო შეურაცხმყობელი ლიტვისა და ლიტველი ხალხისათვის ამიტომაც ის ძალიან სერიოზულ შეფასებას მოითხოვს", _ აცხადებს აცხადებს დეპუტატი რასა იუკნიავიჩენე.
მასალის გამოყენების პირობები