იტალია, სიცილიასთან ახლოს მდებარე კუნძულ ლამპედუზასთან ჩაძირული გემის მგზავრების საძიებო სამუშაოებს აგრძელებს. ბოლო მონაცემებით, დაღუპულია 113 ადამიანი და კიდევ 200 დაკარგულად ითვლება. ამავდროულად ქვეყანაში გლოვაა გამოცხადებული. გემის ნარჩენი, რომლის სიგრძე 20 მეტრს შეადგენდა კუნძულიდან ერთი კილომეტრის დაცილებით ფსკერზე დევს.
თვითმხილველთა მონათხრობით, მგზავრები მიხვდდნენ რა, რომ გემი იძირება პირდაპირ წყალში ხტებოდნენ.
ლტოლვილთა საქმეებში გაეროს უმაღლესი კომისარიატის მონაცემებით, გემის მგზავრთა უდიდესი ნაწილი ერიტრიისა და სომალის წარმომადგენლები არიან.
იტალიის შს მინისტრის განცხადებით, ეს არა მხოლოდ იტალიის არამედ საერთოევროპული ტრაგედიაა.
გემი, ლიბიის მისრატიდან სიცილიაში მიდიოდა.
ქვეყნის ყველა სკოლაში წუთიერი დუმილით პატივი მიაგეს გარდაცვლილთა ხსოვნას.
იტალიის პრემიერ-მინისტრმა ენრიკო ლეტტამ მომხდარს „საზარელი ტრაგედია" უწოდა.
მაშველებს ვინმეს ცოცხლად პოვნაში უკვე ეჭვი ეპარებათ.
ლამპედუზას მორგში ადგილების უკმარისობის გამო, დაღუპულტა ცხედრებს ადგილობრივ აეროდრომზე ასვენებენ.
გემზე, ადგილობრივი მედიის ინფორმაციით, ბავშვები და ფეხმძიმე ქალებიც იმყოფებოდნენ.
გადაუმოწმებელი ინფორმაციით გემზე სულ 500 ადამიანი იმყოფებოდა.