თუ ირანმა ბირთვული იარაღი მიიღო - ეს რეჟიმი უკვდავი გახდება. განცხადება ამის შესახებ ისრაელის პრემიერ-მინისტრმა ბენიამინ ნეთანიაჰუმ გააკეთა და აღნიშნა, რომ ირანი უკეთესი მთავრობის ღირსია, ხოლო ხელისუფლების მიერ ბირთვული იარაღის ხელში ჩაგდების შემდეგ მისი მოქალაქეების მდგომარეობა შესაძლოა გაუარესდეს.
„თუ ისინი მიიღებენ ბირთვულ იარაღს ეს სასტიკი რეჟიმი უკვდავი გახდება, როგორ ჩრდილოეთ კორეა", _ განაცხადა ნეთანიაჰუმ.
მისივე თქმით, ირაბის ახლადარჩეული პრეზიდენტი ჰასან როუჰანი აიატოლლა ალი ჰამენეის მიერ მიღებულ გადაწყვეტილებებზე გავლენას ვერ ახდენს.
ნეთანიაჰუ მიიჩნევს, რომ ირანს ბირთვული იარაღის შექმნის შესაძლებლობა არ უნდა ჰქონდეს.
„თუ მათ „მშვიდობიანი ატომი" სურთ ამისათვის ურანის გამდიდრება სულაც არ არის საჭირო. ეს ტექნოლოგია კი მხოლოდ იმ შემთხვევაშია აუცილებელი თუკი თქვენ იარაღის გაკეთება გინდათ", _აცხადებს ისრაელის პრემიერი.
მასალის გამოყენების პირობები
