რუსეთ-უკრაინის სასაზღვრო მონაკვეთზე ამჟამად უსაფრთხოების გაძლიერებული ზომები მოქმედებს. აღნიშნული ზომა მას შემდეგ იქნა შემოღებული რაც სასაზღვრო-გამშვებ საგუშაგოზე მამაკაცმა თავი აიფეთქა.
საპასპორტო კონტროლის გავლის დროს მამაკაცმა ასაფეთქებელი მოწყობილობა აამოქმედა. მამაკაცი დაიღუპა. ასევე მძიმედ დაჭრილია ორი მესაზღვრე.
არსებული ინფორმაციით, რუსეთიდან უკრაინაში გადასასვლელად მიკროავტობუსი მივიდა, რომელსაც მოლდოვის სანომრე ნიშნები ჰქონდა. მასში მოლდოვის ოთხი მოქალაქე იჯდა. ავტომობილის დათვალიერების დროს კი იპოვეს კიდევ ერთი მამაკაცი, რომელიც სალონში იმალებოდა. თავი სწორედ ამ მამაკაცმა აიფეთქა.
