აბდულ რასულ საიაფი - გავლენიანი ავღანელი იმამი, რომელიც ასევე ცნობილია თავისი კავშირებით ექსტრემისტულ ორგანიზაციებთან აცხადებს, რომ ავღანეთის საპრეზიდენტო არჩევნებში მონაწილეობას მიიღებს. ინფორმაციას ამის შესახებ „როიტერი" ავრცელებს.
მასთან ერტად, ვიცე-პრეზიდენტის თანამდებობისათვის ასვეე იბრძოლებს საველე მეთაური ისმაილ ხანი. ქვეყნის ცენტრალურმა საარჩევნო კომისიამ ორივე კანდიდატი უკვე დაარეგისტრირა.
შესაბამისი საბუთის მიღების შემდგე საიაფმა განაცხადა, რომ არჩევნებში მონაწილეობს იმისათვის, რომ ეს არის შანსი „ემსახურო შენს ქვეყანას, მის ხალხს და ავღანეთის ნამდვილ პატრიოტებს".
ამ ადამიანების არჩევნებში მონაწილეობის სურვილმა დასავლელი დიპლომატების შეშფოთება გამოიწვია, რომლებმაც მათი წარსული და შეხედულებები კარგად იციან. საიაფი - ქვეყნის ერთ ერთი ყველაზე კონსერვატული შეხედულებების მქონე იმამია. სწორედ მის მოსწავლეთა შორის არიან აშშ-ში 2011 წლის 11 სექტემბერს მომხდარი ტრაგედიის ორგანიზატორები.
