„მოსკოვი საქართველოს ჭამას აგრძელებს" - ამ სათაურით აქვეყნებს სტატიას გავლენიანი გაზეთი „Le Figaro", რომელიც რუსი ოკუპანტების მიერ საოკუპაციო ხაზის გადმოწევისა და მისი გამაგრების სამუშაოებს ეძღვნება.
„იმ დროს როდესაც ვლადიმერ პუტინი პაციფიზმის გაკვეთილებს ატარებს სირიის საკითხში, რუსეთის არმია ყოველდღიურად არღვევს საქართველოს ტერიტორიულ მთლიანობას. უკვე რამდენიმე თვის განმავლობაში, სამხრეთ ოსეთში დისლოცირებული 4 ათასიანი კონტიგენტის წარმომადგენლები სასაზღვრო ბოძებს ამონტაჟებენ და საბჭოთა კავშირის დროს არსებულ საქართველოსა სამხრეტ ოსეთს შორის საზღვრის აღდგენით არიან დაკავებულნი", _ წერს გამოცემა და აღნიშნავს, რომ არ არის გამორიცხული, რომ ბაქო-სუფსის ნავთობსადენის, დასავლური ნავთობსადენიდან ერთ-ერთის, 1,6 კილომეტრიანი მონაკვეთი სამხრეთ ოსეთის ტერიტორიაზე მოხვდეს, რომელსაც „სეპარატისტები განაგენემ და ის მთლიანად მოსკოვს ემორჩილებსა".
სტატიის ავტორი, ჟურნალისტი რეჟი ჟანტე აღნიშნავს, რომ ნავთობსადენის აქციონერები, ძირითადად, დასავლური კომპანიები, ვერც კი წარმოიდგენდნენ, რომ 1990 -იანი წლების ბოლოს აგებული ნავთობსადენი შესაძლოა „რუსული დათვის თათებში აღმოჩნდეს".
„მას კი შეუძლია ზიანი მიაყენოს ნავთობსადენს, თუნდაც მხოლოდ იმიტომ, რომ დასავლეთისათვის მოახდინოს იმის დემონსტრირება, რომ მისი (დასავლეთის) ერთ-ერთ სტრატეგიულ პროექტთაგანი კავკასიაში ხელშეუხებელი სულაც არ არის.
აღნიშნული სიტუაცია კი წარმოიქმნა სწორედ იმ მომენტში, როდესაც მოსკოვი ძლიერ ზეწოლას ახდენს ყოფილ საბჭოთა რესპუბლიკებზე და მათ საბაჟო კავშირსა და ევრაზიულ კავშირში გაწევრიანებას აიძულებს, ამ ორ სტუქტურაში, რომელიც ვლადიმერ პუტინს გულით უყვარს და ეძვირფასება", _ წერს „Le Figaro".