იტალიის პარლამენტის ზედა პალატამ მხარი დაუჭირა მოქმედი მთავრობის მუსაობის გაგრძელებას, რომელსაც პრემიერ-მინისტრი ენრიკო ლეტა ხელმძღვანელობს. ინფორმაციას ამის შესახებ იტალიის ტელევიზია ავრცელებს.
ამ დროისათვის სენატორთა რიცხვმა, რომლებმაც მოქმედი მინისტრთა კაბინეტის მუშაობას მხარი დაუჭირა, აუცილებელ კვოტას 161 ხმას გადააჭარბა.
აღსანიშნავია, რომ იტალიის ყოფილმა პრემიერ-მინისტრმა სილვიო ბერლუსკონიმ გააკეთა განცხადება იმის შესახებ, რომ მან ენრიკო ლეტას კოალიციური მთავრობის მიმართ პოზიცია შეიცვალა და ახლა უკვე მას მხარს უჭერს.
კენჭისყრამდე იტალიის ახლანდელმა პრემიერმა პარლამნეტს მიმართა და განაცხადა, რომ მისი მთავრობის კოლაფსი შესაძლოა ქვეყნისათვის ფატალური შედეგით დასრულებულიყო.
ბერლუსკონი ლეტას ადრე იმაში ადანაშაულებდა, რომ მან „მისი პოლიტიკური მკვლელობა დაუშვა სასამართლოს მეშვეობით".
ლეტამ თავის მხრივ ქვეყნის პარლამენტის წინაშე მთავროვისადმი ნდობის გამოცხადების საკითხი დააყენა, მას შემდგე რაც ბერლუსოკნიმ თავის მინისტრებს მოუწოდა პროტესტის ნიშნად მთავრობა დაეტოვებინათ.
