რუსეთის ოპოზიციის ერთ ერთ ლიდერს, „მემარცხენე ფრონტის" ხელმძღვანელს სერგეი უდალცოვს შინაპატიმრობა 2014 წლის 6 თებერვლამდე გაუხანგრძლივეს. გადაწყვეტილება ამის შესახებ ბასმაჩნის რაიონულმა სასამართლომ მიიღო.
უდალცოვი შინაპატიმრობაში მასობრივი არეულობების მოწყობის ბრალდებით იმყოფება ე.წ. ბოლოტნის საქმეზე.
უდალცოვი ბრალს არ აღიარებს და აცხადებს, რომ ხელისუფლებამ მისი საზოგადოებისგან იზოლირება მოახდინა და ამით მის გაჩუმებას ცდილობს.
შინაპატიმრობის პირობების შესაბამისად უდალცოს არ აქვს უფლება სახლი დატოვოს, ისაუბროს ტელეფონით და ისარგებლოს კომპიუტერით.
