იმ შემთხვევაში თუ ირანს ბირთვული იარაღი ექნება, ის ჩრდილოეთ კორეაზე გაცილებით უფრო საშიში იქნება. განცხადება ამის შესახებ ისრაელის პრემიერ-მინისტრმა ბენიამინ ნეთანიაჰუმ გააკეთა.
„ბირთვული იარაღის მქონე ირანი არ იქნება უბრალოდ კიდევ ერთი ჩრდილოეთ კორეა, ის იქნება როგორც 50 ჩრდილოეთ კორეა", _ განაცხადა პრემიერმა გაეროს გენერალურ ასამბლეაზე.
„იმ შემთხვევაში თუ თეირანი ასეთ იარაღს მიიღებს, ეს იარაღი მთელს ახლო აღმოსავლეთში გავრცელდება და მას მსოფლიოს ყველაზე არასტაბილურ რეგიონად, დენთის კასტად აქცევს", _ განაცხადა ისრაელის მთავრობის მეთაურმა და აღნიშნა, რომ ის დარწმუნებულია, რომ ირანის პრეზიდენტი ჰასან როუჰანი უარს არ იტყვის ბირთვულ პროგრამაზე იმ შემთხვევაშიც კი თუ ირანის ისლამურ რესპუბლიკას საერთაშორისო სანქციები მოეხსნება.