ექსპერტი უსაფრთხოების საკითხებში ხათუნა ლაგაზიძე სამართლიანობის აღდგენის მიზნით ბიძინა ივანიშვილს ინიციატივას სთავაზობს. როგორც ლაგაზიძემ განმარტა სასურველი იქნება ჩამოყალიბდეს ნდობის ჯგუფი, რომელიც სამართალდამცავ ორგანოებთან მუდმივ კონტაქტზე იქნება და ეცოდინება როგორ ვითარდება პროცესები, იგივე თუნდაც ქონების დაბრუნებასთან დაკავშირებით.
,,იქნებ შეიქმნას სამართლიანობის ნდობის ჯგუფი, რომელიც სამართალდამცავ ორგანოებთან მჭიდრო ურთიერთობაში მუდმივად იქნება და ეცოდინება სულ მცირე როგორ ვითარდება პროცესები, იგივე ქონების დაბრუნებასთან დაკავშირებით რაც, ვფიქრობ, საზოგადოების ნდობის ხარისხს სამართლიანობის აღდგენასთან დაკავშირებით უფრო გაზრდის. ის სირთულეები რაც ამ პროცესს დღეს ხვდება ნდობის ჯგუფის ფარგლებში საზოგადოებას საშუალება მიეცემა, უფრო გამჭვირვალე იყოს ეს პროცესი და აქედან გამომდინარე ამაღლდეს სანდოობის ხარისხი", _მიმართა ლაგაზიძემ ივანიშვილს.