დიცში განვითარებული მოვლენები იყო ეუთოს საპარლამენტო ასამბლეის პრეზიდენტთან შეხვედრის მთავარი თემა, როგორც უმრავლესობის ასევე უმცირესობის მხრიდან.
ქარველი კანონმდებლები საერთაშორისო საზოგადოებიდან მეტ რეაგირებასა და აქტიურობას ითხოვენ ასეთი ფაქტების აღსაკვეთად.
როგორც ქართველი პარლამენტარები აცხადებენ, საქართველოს ხელისუფლებამ ყველაფერი უნდა გააკეთოს იმისთვის, რომ ყველა საერთაშორისო ტრიბუნა - გაერო, ევროკავშირი და ეუთო გამოიყენებულ იქნას იმისათვის, რომ ოკუპანტების მხრიდან მსგავსი ფაქტები არ განმეორდეს.
„ასეთ მოვლენებთან დაკავშირებით ქართული სახელმწიფო უნდა იყოს ერთად. ყველა პოლიტიკური პარტია საქართველოს ინტერესების სასარგებლოდ უნდა იყოს ერთ მუშტად შეკრული. რა თქმა უნდა ამისათვის საჭიროა ხელისუფლების მხრიდან ადეკვატური რეაგირება და არა ისეთი ენის მოჩლექით ლაპარაკი რომელსაც აქამდე ჰქონდა ადგილი და იმ ილუზიებისაგან განთავისუფლება, რომ ასეთი არაადეკვატურად რბილი დამოკიდებულებით რუსეთმა შეიძლება შეცვალოს თავისი აგრესიული პოლიტიკა საქართველოს მიმართ", _ აცხადებს უმცირესობის წევრი გიორგი ბარამიძე.
„მაქსიმალურად შევისწავლით ყველა საკითხს, რა ხდება, რა მდგომარეობაა. ფაქრი ერთია, რომ ასეტ თემებს ნამდვილად არ დაუშვებს ჩვენი სახელმწიფო და ამაზე გვექნება ძალიან მკაცრი რეაგირება. ჩაერთვება ყველა სახელმწიფო უწყება რომელსაც ეკუთვნის, ხელეწიფება და ამაზე ვალდებულია ჰქონდეს სერიოზული რეაქცია", _ აცხადებს საპარლამენტი უმრავლესობის ლიდერი დავით საგანელიძე.
