"პრეზიდენტი მიხეილ სააკაშვილი საქართველოს ნატო-ში გაწევრიანების საკითხში ნამდვილი ჩემპიონი აღმოჩნდა," - აღნიშნული განცხადება ჯონ ჰოპკინსის სახელობის უნივერსიტეტის ხელმღღვანელმა ფრედრიკ სტარმა ამერიკის შეერთებულ შტატებში გამართულ კონფერენციაზე სახელწოდებით "სამომავლო პარტნიორობა თავდაცვის სფეროში" გააკეთა.
სტარის შეფასებით, საქართველოს ახალი ხელისუფლება ქვეყნის ჩრდილოატლანტიკურ ალიანსში გაწევრიანების კუთხით მნიშვნელოვან პოზიტიურ სიგნალებს აფიქსირებს რაც მისასალმებელია და საქართველოს მიერ არჩეული დასავლური ღირებულებებისკენ ურყევად სწრაფვაზე მეტყველებს.
"თქვენ მკითხეთ განიცდის თუ არა საქართველო პროგრესს ნატო-ში გაწევრიანების გზაზე, მე გპასუხობთ - დიახ, ეს ნამდვილად ასეა. ბატონი სააკაშვილი ამ საკითხში ნამდვილი ჩემპიონი აღმოჩნდა და ახლაც, ახალი პრემიერ-მინისტრი ბატონი ბიძინა ივანიშვილი ნატო-სთან დაახლოვების პოლიტიკას აგრძელებს. მინდა დიდი პატივისცემა გამოვხატო ირაკლი ალასანიას მიმართ, რომელმაც ძალიან შთამბეჭდავი პროექტი წარმოგვიდგინა, მან უნდა დაგვანახოს, რომ ეს მარტო სიტყვები არაა. თქვენ საქმე უნდა გვაჩვენოთ. საქართველომ უნდა გააგრძელოს თავისი მნიშვნელოვანი როლი მსოფლიოში, მაგრამ წინ დიდი გზაა. დღევანდელი ხელისუფლებისგან ძალიან პოზიტიური სიგნალები მოდის, პირადად მე ჩემს მეგობარს ირაკლი ალასანიას და საქართველოს დიდ წარმატებას ვუსურვებ,"- განაცხადა ფრედრიკ სტარმა.