"წინანდელთან შედარებით, დღეს ციხეებში სანატორიუმია, თუმცა იქ პირობების გაუჯობესება საჭიროა,"- ამის შესახებ საქართველოს პრემიერ-მინისტრმა ბიძინა ივანიშვილმა ე.წ. კანონიერი ქურდების მიერ ციხის მართვასთან დაკავშირებით "ნაციონალური მოძრაობის" მიერ გამოქვეყნებული სქემის კომენტირებისას ისაუბრა.
პრემიერის თქმით, "ნაციონალური მოზრაობის" მმართველობის დროს ციხეებში ისეთი რამ ხდებოდა, რომ მათ დღეს სინდისი სასჯელაღსრულების სისტემაზე საუბრის უფლებას არ უნდა აძლევდეს".
"რა უნდა გაშიფრონ "ნაციონალებმა", ესენი აკეთებდნენ თვითონ. როგორ საუბრობენ, როგორ არ აქვთ სინდისი, რომ ისინი კიდევ ციხეებზე საუბრობენ. თქვენ ხომ იცით, რა მდგომარეობა იყო ციხეებში და დღეს იმასთან შედარებით სანატორიუმია, თუმცა იქ პირობების გაუჯობესება საჭიროა და ჩვენ ვცდილობთ, ახალი მშენებლობები გავაკეთოთ. დღესაც შევხვდი მე სოზარ სუბარს, თათბირი მქონდა დღეს მასთან და ვდილობთ, რომ იქ პირობები გავაუმჯობესოთ. ცე-ჰეპატიტის მკურნალობა დავიწყეთ. საერთოდ რა ხდბოდა ციხეებში და დღეს რომ "ნაციონალები" ამაზე ხმას იღებენ, ეს მათ სინდისზე იყოს,"- განაცხადა ბიძინა ივანიშვილმა.
