"ყველანი ხელფასს იღებდნენ და ახლა მამადლებენ, რომ "ჩვენ გამოგვიყენეთო," - ამის შესახებ საქართველოს პრემიერ-მინისტრმა ბიძინა ივანიშვილმა საინფორმაციო სააგენტო "ინფო 9"-სთვის მიცემულ ინტერვიუში ტელეკომპანია "მეცხრე არხის" დახურვის ფაქტის კომენტირებისას ისაუბრა.
ივანიშვილის თქმით, ხშირ შემთხვევაში, სხვა ტელევიზიების თანამშრომლებთან შედარებით, "მეცხრე არხის" თანამშრომლები გაცილებით სოლიდურ ანაზღაურებას იღებდნენ და არხზე მომსახურეთა რაოდენობაც გადაჭარბებული იყო".
"ჩათვალეთ, რომ ამ დროის განმავლობაში სტუდიაში იმუშავეს და როგორც სასწავლებელი ისე გამოდგებოდა ეს და ხელფასს იღებდნენ. ახლა მამადლებენ, რომ ჩვენ გამოგვიყენეთო. უხელფასოდ იმუშავა ვინმემ თუ რა?! სხვა ტელევიზიებზე ნაკლები ხელფასი ჰქონდა ვინმეს?! მე მგონი, უკეთეს შემთხვევაში უფრო მეტი ხელფასი იყო და ჭარბი თანამშრომლები იყვნენ. ახლა ისეთი ხმებით საუბრობენ, რომ მე გამოვიყენე და ძალიან ცუდ განცხადებებს აკეთებენ და ძლიან საწყენია ეს ყველაფერი და კიდევ ერთჯერ ამტკიცებს იმას, რომ სწორი გადაწყვეტილება მივიღე. ტელევიზიის ასე ხელოვნურად დაჭერა მეტი არ შეიძლებოდა.,"- განაცხადა ბიძინა ივანიშვილმა
