"საზოგადოებრივ მაუწყებელზე" მის ინტერვიუში, რომელიც ომის თემაზე იყო, მწვავე ნაწილი გაქრა, - განაცხადა საქართველოს პრეზიდენტმა მიხეილ სააკაშვილმა პრეზიდენტის რეზიდენციაში გამართულ ბრიფინგზე მისი თქმით, ინტერვიუში იყო ერთი ნაწილი, რომელსაც შეიძლებოდა წყენა გამოეწვია ბატონ მედვედევში და პუტინში.
"ამასწინათ, "საზოგადოებრივ მაუწყებელს" მივეცი ინტერვიუ რუსეთთან ომის წლისთავზე. ძირითადი ნაწილი, რასაც შეიძლებოდა წყენა გამოეწვია ბატონ მედვედევში და პუტინში, რაღაცნაირად გაშვებულ ინტერვიუში გაქრა. მე არ ვიცი მსოფლიოში "საზოგადოებრივი მაუწყებელი", სადაც მოქმედი პრეზიდენტის ინტერვიუს დაჭრიან პოლიტიკური ნიშნით. ასეთი რამ არ არსებობს ხალხო", -განაცხადა სააკაშვილმა მედიასთან შეხვედრაზე.
