პროკრედიტ ბანკის ინიციატივითა და დაფინანსებით ბოლნისის რაიონის სოფელ დისველში პატარა საზოგადოებრივი სკვერი გაშენდა. აღსანიშნავია, რომ სოფელში მსგავსი ტიპის სკვერი არ არსებობდა. სამუშაოებში აქტიურად იყვნენ ჩართული პროკრედიტ ბანკის მარნეულის ფილიალისა და მარკეტინგის განყოფილების თანამშრომლები და ბაღში 40-მდე სახეობის სხვადასხვა სახის მცენარე დაირგო, მათ შორის ევრცხლისფერი ნაძვი, ტირიფი, იასამანი, კავკასიური სოჭი და სხვა. ასევე გაშენდა ვარდების ულამაზესი ხეივანი, რომელიც სოფელში სასიამოვნო, ჩრდილიანი მოსასვენებელი ადგილი იქნება. "ეს მნიშვნელოვანი დღეა ჩვენი პატარა სოფლისთვის. ძალიან მიხარია რომ ბავშვებს სკოლასთან ახლოს შესანიშნავი ბაღი ექნებათ, სადაც შეძლებენ თამაშსა და წიგნების კითხვას." განაცხადა სოფლის ერთ-ერთმა მაცხოვრებელმა.
წლების მანძილზე, პროკრედიტ ბანკში მიმდინარე შიდა კამპანიის ფარგლებში, რომელიც თანამშრომელთა შორის ეკოლოგიური საკითხებისა და ბუნებრივი რესურსების რაციონალურად გამოყენების შესახებ ცოდნის გაღრმავებას ისახავს მიზნად, ბანკის მიერ მრავალი ეკოლოგიური პროექტი განხორციელდა: დასუფთავდა და მოწესრიგდა საზოგადოებრივი ბაღები დაირგა ხეები დაინერგა ახალი ეკო-სესხი, ჩატარდა მრავალი საგანმანათლებლო საღამო. ამას გარდა, მესამე წელია პროკრედიტ ბანკი დაცული ტერიტორიების სააგენტოსა და კავკასიის ბუნების ფონდის უცვლელი პარტნიორია და ფინანსურ მხარდაჭერასთან ერთად, ლაგოდეხის ნაკრძლაში თანამშრომელთა მონაწილეობით სხვადასხვა სახის ეკოლგოგიურ ღონისძიებას მართავს. სოციალური პასუხისმგებლობა პროკრედიტ ბანკის საქმიანობის ყველა მიმართულების ძირითადი პრინციპია. სწორედ ამიტომაა, რომ საქართველოს საბანკო ბაზარზე მხოლოდ პროკრედიტ ბანკს აქვს ეკო ქვეგანყოფილება, რომელსაც არამარტო ბანკის შიდა ენერგოეფექტურობის სისტემის შემუშავება და დანერგვა ევალება, არამედ ადგენს სტანდარტებს ეკო სესხების გასაცემად და ჩართულია ენერგოეფექტური პროექტების დაფინანსებასა და მხარდაჭერაში.
როგორც სოციალური პასუხისმგებლობის მატარებელი ფინანსური ინსტიტუტი, პროკრედიტ ბანკი მიიჩნევს, რომ გარემოს დაცვასა და მომავალი თაობებისათვის მის შენარჩუნებაში წვლილის შეტანა ყველა ჩვენგანის მოვალეობაა.
ამდენად, ბანკი არ დაიშურებს ძალისხმევას და გააგრძელებს სახსრების დაბანდებასგარემოსდაცვითი პროექტების განსახორციელებლად.
