აშშ-ის სენატორი ჯონ მაკკეინი მკვეთრად ნეგატიურად აფასებს რუსეთის მიერ სპესამსახურების ყოფილი თანამშრომლის ედვარდ სნოუდენისათვის თავშესაფრის ნიჭების ფაქტს.
მაკკეინის თქმით, რუსეთის გადაწყვეტილება არის სილის გაწნა თითოეული ამერიკელისთვის.
„რუსეთის გადაწყვეტილება აღმაშფოთებელია, რომლის მიზანია დაამციროს აშშ.ეს არის სილის გაწნა თითოეული ამერიკელისთვის", - განაცხადა სენატორმა.
მისვე თქმით, აშშ-მ რუსეთთან ურთიერთობებს უნდა გადახედოს.
„დადგა დრო კარდინალურად გადავხედოთ ჩვენს ურთიერთობებს პუტინის რუსეთთან", - განაცხადა მაკკაინმა.
შეგახსენებთ, რომ გუშინ სნოუდნმა შერემეტევოს აეროპორტის სატრანზიტო ზონა დატოვა, სადაც 23 ივნისიდან იმყოფებოდა. მან რუსეთის ხელისუფლებისგან ქვეყნაში დროებით ყოფნის ერთწლიანი უფლება მიღო.
სნოუდენის ადვოკატის ანატოლი კუჩერენის განცხადებით, ინფორმაცია იმის შესახებ თუ სად იმყოფება სნოუდენი მისი უსაფრთხოებიდან გამომდინარე არ გახმაურდება.
აშშ ცდილობს სამშობლოში დააბრუნოს სნოუდენი, რომელმაც თვალთვალის პროგრამის PRISM-ის შესახებ გაასაჯაროვა ინფორმაცია.
