აშშ „უკიდურესად იმედგაცურებულია" რუსეთის გადაწყვეტილებით სპეცსამსახურების ყოფილი თანამშრომლის, ედვარდ სნოუდენისთვის თავშესაფრის მიცემის გამო, - განაცხადა თეთრი სახლის პრეს-მდივანმა ჯეი კარნიმ.
აღნიშნულიდან გამომდინარე თეთრ სახლში მიმდინარეობს იმ შეთანხმების გადახედვა, რომლის მიხედვითაც სექტემბრის G20-ის სამიტის დაწყებამდე ბარაკ ობამას და ვლადიმერ პუტინს სანკტ-პეტერბურგში ორმხრივი შეხვედრა უნდა გაემართათ.
თეთრი სახლის განცხადებით, რუსეთის გადაწყვეტილება ხელს არ უწყობს ორი ქვეყნის ურთიერთობების პოზიტიურ განვითარებას.
„სნოუდენის აშშ-ში ექსტრადაციის თაობზე მკაფიო და სამართლიანი, ოფიციალური განაცხადებისა და თხოვნის მიუხედავად, ჩვენ უკიდურესად იმედგაცურებულები ვართ რუსეთის მთავრობის გადაწყვეტილებით,", - განაცხადა პრეს-მდივანმა.
მისვე თქმით, მოსკოვმა წინასწარ არ მიაწოდა ინფორმაცია ამერიკულ მხარეს სნოუდენისთვის თავშესაფრის მინიჭების თაობაზე.
კერნიმ არაფერი განაცხადა იმის შესახებ, გადადგამს თუ არა აშშ რაიმე სახის საპასუხო ნაბიჯებს ობამა პოტინის ორმხრივი შეხვედრის გადახედვის გარდა.
მისივე თქმით, აშშ რუსეთის ურთიერთობები მრავალმხრივია და ის საკითხების ფართო სპექტს ეხება, რომლის გადასახედად სნოუდენის გამო აშშ მზად არ არის.
გუშინ სნოუდნმა შერემეტევოს აეროპორტის სატრანზიტო ზონა დატოვა, სადაც 23 ივნისიდან იმყოფებოდა. მან რუსეთის ხელისუფლებისგან ქვეყნაში დროებით ყოფნის ერთწლიანი უფლება მიღო.
სნოუდენის ადვოკატის ანატოლი კუჩერენის განცხადებით, ინფორმაცია იმის შესახებ თუ სად იმყოფება სნოუდენი მისი უსაფრთხოებიდან გამომდინარე არ გახმაურდება.
აშშ ცდილობს სამშობლოში დააბრუნოს სნოუდენი, რომელმაც თვალთვალის პროგრამის PRISM-ის შესახებ გაასაჯაროვა ინფორმაცია.