მიგრანტები ვიეტნამიდან, ეგვიპტიდან, მაროკოდან, სირიიდან, ყორგიზეთიდან, აზერბაიჯანიდან და უზბეკეთიდან, რომლებიც მცირე ხნის წინ მოსკოვში დააკავეს მობილურ ბანაკში მოათავსეს.
1,5 ათასი მიგრანტი იქ მანამდე დარჩება ვიდრე არ იქნება მიღებული გადაწყვეტილება მათი დეპორტაციის შესახებ. ინფორმაციას ამის შესახებ რუსული მედია ავრცელებს.
მათივე ინფორმაციით, მიგრანტების ჯანმრთელობის მდგომარეობაზე მედიკოსები იზრუნებენ. ასევე გაკონტროლდება სანიტარულ-ეპიდემიოლოგიური მდგომარეობა. მოხდება მათი საკვებით უზრუნველყოფაც.
